Los Angeles Lakers

Los Angeles Lakers
Situación
Estáu	Estaos Xuníos
Datos
Tipu	club de baloncestu
Fundáu en	1946
Propietariu	Jeanie Buss
Entrenador	Darvin Ham
Categoría	National Basketball Association
Instalaciones
Estadiu	Crypto.com Arena
Dueñu de	Jeanie Buss
Uniforme
Llocal Visitante Alternativa
Web oficial

Los Angeles Lakers ye un equipu de baloncestu profesional de la NBA con sede en Los Ángeles, California. Xueguen los sos partíos de llocal nel Staples Center, compartiendo pabellón con Los Angeles Clippers, Los Angeles Sparks de la WNBA y Los Angeles Kings de la NHL ente otros equipos.

Tienen el récor de más partíos consecutivos ganaos (33) na historia del deporte profesional norteamericanu, llegando a tar imbatíos dende'l 5 de payares de 1971 hasta'l 7 de xineru de 1972, fecha na que perdieron ante Milwaukee Bucks. Fueron campeones de la NBA en 16 ocasiones, solo detrás del equipu más ganador de la historia de la NBA, los Boston Celtics.^[1] Los Lakers solu faltaron nos playoffs nueve veces na so historia.^[2]

Diecisiete xugadores miembros del Basketball Hall of Fame xugaron nos Lakers, mientres otros cuatro entrenaron al equipu. Cuatro lakers —Kareem Abdul-Jabbar, Magic Johnson, Shaquille O'Neal y Kobe Bryant— consiguieron ganar el MVP de la Temporada de la NBA, pa un total de 8 gallardones.^[3]

El nome del equipu, Lakers, que puede traducise al idioma español como llacustres, vien de la etapa del equipu en Minnesota, estáu que recibe l'apellativu de Land of 10.000 lakes ("Tierra de los 10.000 llagos"), en referencia a la cantidá de llagos esistentes en dichu estáu.^[4]

1. ↑ NBA.com 33 victories consecutives, consultáu mayu de 2008
2. ↑ Basketball-Reference.com Los Angeles Lakers - Basketball-Reference
3. ↑ basketball-reference.com NBA & ABA Most Valuable Player Award Winners, consultáu en xunu de 2012
4. ↑ netstate.com The State of Minnesota, consultáu en xunu de 2012